O MUDDIA-UDC consta de 60 ECTS, distribuídos nos dous semestres do curso académico. Está estruturado en módulos e materias: un primeiro módulo dedicado ao marco de referencia (12 ECTS), un segundo módulo sobre contidos específicos (33 ECTS) e un módulo final con prácticas externas, dúas materias optativas e o remate da titulación coa defensa do Traballo de Fin de Mestrado.

Plan de estudos

Organización xeral do plan de estudos
O Mestrado universitario en Dereito Dixital e da Intelixencia Artificial pola Universidade da Coruña consta de 60 ECTS, distribuídos nos dous semestres dun curso académico. Consta de cinco módulos (I. Marco de referencia, II. Marco específico, III. Prácticas externas. IV. Materias optativas, e V. Traballo de Fin de Máster). Os tres primeiros módulos teñen carácter obrigatorio e constan, respectivamente, de 12, 33 e 6 ECTS. O cuarto módulo ten carácter optativo e cada estudante ha de elixir unha materia entre as dúas ofertadas: Metodoloxía da investigación (3 ECTS), para aqueles/ as estudantes que opten por un perfil investigador, preferentemente a través dos estudos de doutoramento (para o que dispoñen de dous programas de doutoramento na Facultade de Dereito da UDC: programa oficial de doutoramento en Dereito: http://estudos.udc.es/es/study/start/5010V01 e programa oficial de doutoramento en Dereito administrativo iberoamericano: http://estudos.udc.es/es/study/start/5013V01); e Delegado de protección de datos (3 ECTS), para aqueles/ as estudantes que pretendan profundar neste sector do Dereito e orientar o seu futuro profesional a desempeñar esta función. Por último, o quinto módulo ten carácter obrigatorio e consta de 6 ECTS.

Modalidade de ensino

Os ensinos do Mestrado universitario en Dereito dixital e da Intelixencia Artificial serán impartidas de forma presencial, en combinación con traballo autónomo virtual a través de medios e ferramentas dixitais (plataforma Moodle, videoconferencia).

O programa do MUDDIA profunda no estudo da protección de datos persoais, a cadea de bloques (blockchain), a contratación no sector público e privado, os contratos intelixentes, as Fintech, as Insurtech, a desconexión dixital, os controis electrónicos na contorna laboral, os delitos cibernéticos ou a ciberseguridade, e incorpora ámbitos novidosos como a robótica, a intelixencia artificial, o internet das cousas ou os drons, sen esquecer a súa influencia nas persoas e os seus dereitos, entre eles os dereitos dixitais.

O MUDDIA impártese de xeito presencial, co complemento de ferramentas de tele-aprendizaxe (Moodle, Teams…), e combina as perspectivas teórica e práctica cun profesorado con perfil académico e profesional. Ademais, para facilitar a comprensión dos numerosos cambios tecnolóxicos asociados á dixitalización e á intelixencia artificial, conta coa participación de profesorado da Facultade de Informática e especialistas do sector TIC.