Departamentos, áreas e grupos de investigación


Departamentos

Departamento de Dereito Público

O Departamento de Dereito Público creouse no ano 1990 e actualmente inclúe as áreas de coñecemento de Dereito Romano, que estuda tanto este ordenamento xurídico como a súa influencia na tradición europea posterior; Dereito Constitucional, que se ocupa tanto da norma fundamental como en xeral da organización xurídico-política do Estado, Dereito Internacional Público, cuxo ámbito de interese se centra nas relacións xurídicas na comunidade internacional, Dereito Financeiro e Tributario, ocupada na esfera da normatividade propia das finanzas públicas; Dereito Penal, cuxo labor se concentra no estudo dos diferentes aspectos do delito e das penas, e Dereito Procesual, centrada na docencia e investigación do Poder Xudicial e da actividade xurisdicional. Tamén se inclúen as áreas de Dereito Administrativo e Dereito do Traballo.

O Departamento é a entidade administrativa e orgánica encargada de regular a docencia e artellar os labores de investigación -respectando a autonomía dos grupos de investigación- destas diferentes áreas.

Departamento de Dereito Privado

O Departamento de Dereito Privado -situado no edificio da Facultade de Dereito, campus de Elviña- integra seis áreas de coñecemento: Dereito Civil, Historia do Dereito e das Institucións, Dereito internacional Privado, Dereito Mercantil, Dereito Eclesiástico do Estado e Filosofía do Dereito. O profesorado do Departamento imparte docencia en cinco centros: Facultade de Dereito, Facultade de Ciencias Económicas e Empresariais, Escola Universitaria de Estudos Empresariais, Escola Universitaria de Arquitectura Técnica e, finalmente, Escola Universitaria de Deseño industrial de Ferrol.

A actividade investigadora reflíctese amplamente na participación dos membros do Departamento en congresos e reunións científicas, así como en publicacións de diversa índole. Na actualidade desenvólvense diversos proxectos correspondentes aos catro grupos de investigación adscritos ao Departamento: Grupo de Investigación sobre Políticas Sociais, Dereito de Consumo e Protección do Consumidor, Colaboración, Conflito e Competencia entre Empresarios e Proxectos e Estudos de Dereito Civil -Europa, España, Galicia-.

Secretaría dos Departamentos

Unidade de Apoio a Departamentos e Investigación (UADI)
Facultade de Dereito
Campus de Elviña, s/n
15071 A Coruña
981 167 000 (Ext. 1505 e 1506)
uadi@udc.es

Grupos de investigación

Criminoloxía, Psicoloxía Xurídica e Xustiza Penal no século XXI (ECRIM)

Liñas de investigación

  • Dereito penal económico e da empresa: parte xeral e especial
  • Globalización e sistema penal: migración e sistema penal, Dereito Penal internacional, goberno da penalidade
  • Xénero e Dereito penal
  • Psicoloxía xurídica e protección do menor
  • A reforma do proceso concursal; insolvencias punibeis
  • A xustiza penal do século XXI
  • Cooperación xudicial civil e penal
  • Penas privativas de dereitos e multa
  • Violencia e medios de comunicación
  • Psicoloxía xurídica laboral
  • Psicoloxía forense e pericial
  • Psicoloxía penitenciaria

Dereito do Traballo e Seguridade Social, Español e Comparado (DTSSECOMP)

Liñas de investigación

  • Dereito individual do traballo
  • Dereito sindical
  • Dereito procesual laboral
  • Dereito da Seguridade Social
  • Dereito comparado do traballo e da Seguridade Social

Empresa, Consumo e Dereito (ECD)

Liñas de investigación

  • Contratación de produtos bancarios e financeiros
  • Colaboración, conflito e competencia entre empresarios
  • Dereito concursal e sobreendebedamento de consumidores
  • Dereito de seguros
  • Dereito de sociedades
  • Dereito de danos e responsabilidade civil extracontractual
  • Dereito civil propio de Galicia
  • Dereito marítimo
  • Dereito inmobiliario e da construción

Filosofía, Constitución e Racionalidade

Liñas de investigación

  • Crise da razón xurídica
  • Transformación dos sistemas xurídicos
  • Teoría da interpretación, aplicación e argumentación xurídicas
  • Dereitos fundamentais
  • Bioética e dereito
  • Ética, Dereito e discapacidade
  • Xustiza transicional

Protección Xurídica da Persoa e da Familia (PEF)

Liñas de investigación

  • Autonomía da vontade na persoa e na familia
  • Tutela patrimonial e xurisdicional da persoa e da familia.
  • Políticas públicas de protección familiar
  • Relacións paterno-filiais