Propostas da Oficina de Medio Ambiente da UDC


Propostas da Oficina de Medio Ambiente da UDC:

  • Luns 20: Comeza o MUV, 1º Torneo entre as Universidades Europeas para a Mobilidade Sustentábel. Xa está aberto o acceso como UDC, premendo na ligazón (desde o móbil): https://bit.ly/Universidade-da-Coruña, logo de descargar a App MUV e accedendo a través de “únete a un equipo”. Infografía para o xogo.
  • Mércores 22, Día Mundial Sen Coches: Roteiro en bici campus-cidade. Inscricións neste formulario
  • Xoves 23: Voluntariado ambiental no Monte da Fraga, en xornada de mañá ou de tarde, para accións de reparación de charcas e de eliminación de flora invasora. Información e inscricións nesta ligazón
  • Venres 24: Limpeza simultánea de ríos. Información e inscricións nesta ligazón.
  • Mércores 29: Construción de refuxios de fauna. Información e inscricións nesta ligazón.

Mais info: oma2@udc.gal | 881 015626 | web OMA-UDC

Queda moi pouco para a Noite Europea dos Investigadores (24 de setembro)!


Green Contrasts. Paisaxes Ameazadas en Galicia” é un concurso de fotografía dixital que lanzamos como parte da axenda de G- Night e que ten como finalidade crear conciencia sobre os problemas ambientais que ameazan as paisaxes galegas. As bases de participación están en: https://cica.udc.gal/es/noticia/430, pero adiántovos 3 infos breves:

  • O prazo de participación péchase o 22 de setembro ás 15.00.
  • Hai 2 premios valorados en 150€ e 75€ ( aprox.), e ambos son material de electrónica.
  • O CICA ademais albergará a exhibición das mellores fotografías.

Animádevos a participar!

Bolsas para o alumnado de formación complementaria “Green Campus”


Hoxe publicouse a convocatoria de bolseiros/as para o próximo curso.

O obxecto desta convocatoria é a adxudicación de 108 bolsas de colaboración para formación, que permitan a formación teórica e práctica do estudantado matriculado nun centro propio da Universidade da Coruña, en estudos conducentes á obtención dun título oficial de Grao, mediante a realización de actividades de colaboración en diferentes áreas de interese formativo.

Para o curso 2021/2022 inclúense 3 bolsas para a Oficina de Medio Ambiente (OMA-UDC) e 16 bolsas para os Centros Green Campus.

O prazo de solicitude comeza o 22 de xullo e exténdese ata as 23:59 horas do venres 10 de setembro de 2021.

Consulta as bases na seguinte ligazón: https://sede.udc.gal/services/electronic_board/EXP2021/006835

O impacto ambiental dos nosos desprazamentos á universidade: A Calculadora da mobilidade da UDC


Dende a UDC Precisamos cuantificar os desprazamentos da comunidade universitaria para acudir ao centro de traballo/estudo, e calcular a pegada ecolóxica (emisións de dióxido de carbono) derivada. Os estudos previos indicaron que a mobilidade contribuía con case o 50% da pegada ecolóxica total da UDC. É dicir, as emisións de CO2 que causa superan as derivadas do consumo de enerxía en toda a UDC.

Coñecermos a nosa pegada ecolóxica é o primeiro paso para adoptar medidas para reducila. Hoxe é unha exixencia dos programas de sustentabilidade e dos sistemas de avaliación como os da CRUE ou de GreenMetric. É tamén un obxectivo importante nos programas Green Campus da nosa Universidade. É por iso que  pedimos a participación de todas/os. A campaña xeral de toma de datos permanecerá aberta até o vindeiro 15 de maio. Pódese participar na seguinte ligazón: https://emapic.es/custom/mobilidade-desprazamentos-udc

A Calculadora da mobilidade da UDC foi confeccionada pola Oficina de Medio Ambiente (OMA – UDC), coa colaboración do o Grupo de investigación FERROTRANS da UDC e do Laboratorio de enxeñaría cartográfica (CartoLab – UDC), e está aloxada no servizo Emapic deste último.

Ao remate, Emapic permite xeolocalizar e visualizar nun mapa os hábitos de desprazamentos da comunidade universitaria. Ofrecerache baixar o teu informe, mentres os datos de mobilidade fican rexistrados, de forma totalmente anónima, para poder estimar a pegada de carbono global da mobilidade na UDC.

A súa realización estímase en 5-10 minutos, se ben vai depender da complexidade e diversidade dos desprazamentos.

Moitas grazas,  agardando avanzarmos na sustentabilidade dos nosos desprazamentos!